يا ترى إزاي تصريحات الرئيس الأمريكي دونالد ترامب وقرارته الأخيرة قلبت موازين الذهب، هل فعلا المعدن الأصفر رجع للصدارة في الأسواق العالمية، وإيه طبيعة المكاسب اللي حققها، والأسعار العالمية والمحلية رايحة على فين الأيام الجاية.
في الأيام الأخيرة، ارتفعت أسعار الدهب العالمية بشكل كبير، وسجلت مستويات قياسية من بداية الأسبوع اللي فات، وده وسط حالة ترقب في الأسواق العالمية، بسبب المخاطر الاقتصادية المتمثلة في الحرب التجارية بين الولايات المتحدة والصين، وتداعياتها على سلاسل الإمداد العالمية.
عشان كده، قالت جولد بيليون، إن أسعار الذهب العالمية سجلت أعلى مستوى تاريخي عند 3,245 دولار، في حين صعدت الأسهم الآسيوية والعقود الآجلة للمؤشرات الأمريكية، مدعومة بإعلان البيت الأبيض إعفاء السلع الإلكترونية من الرسوم الجمركية المرتفعة (14.5%) المفروضة على الصين، وده خفف من مخاوف الشركات الأمريكية الكبرى.
" title="إزاي تصريحات ترامب قلبت موازين الدهب.. إيه اللي هيحصل للملاذ الآمن مع نهاية 2025" frameborder="0">
ونقدر نقول، إن تصريحات ترامب المتناقضة، وهي فرض رسوم بنسبة 20% على الواردات الإلكترونية، مع تلميحات بفرض رسوم إضافية قريبًا، ساهمت في إبقاء المستثمرين في حالة ترقب، خاصة مع استمرار التصعيد بين واشنطن وبكين، بعد ما فرضت الصين رسوم انتقامية بنسبة 125% على وارداتها الأمريكية.
والتوقعات دلوقتي رايحة على احتمال حدوث ركود في الاقتصاد الأمريكي السنة دي بنسبة 50%، بسبب اضطرابات التجارة العالمية، وده دفع الدهب للصعود خلال الأسابيع الماضية، وكمان ساهم في ضعف الدولار الأمريكي، وتسجيله تراجع تاريخي ماحصلش من 3 سنين.
كمان، التصريحات دي ساهمت في انخفاض أسعار السندات الحكومية الأمريكية، وده عزز من جاذبية الدهب، خاصة بعد تراجع بيانات التضخم الأمريكي في مارس، وكل ده ساهم في تعزيز توقعات خفض الفيدرالي لأسعار الفايدة قريب جدا.
عندك برضو، مؤسسة "جولدن بيليون" رفعت توقعاتها لسعر الدهب بنهاية سنة 2025 إلى 3,700 دولار للأونصة (من 3,300 دولار)، مع توقعات بوصوله إلى 3,880 دولار في حال تفاقم الركود الاقتصادي، مدعومًا بطلب البنوك المركزية وتدفقات صناديق الاستثمار.
أما بقى أسعار الدهب في مصر، واللي وصلت هي كمان لمستويات قياسية، واتأثرت بالأسعار العاملين، فسجلت ارتفاع رهيب وهتفضل مكملة في الارتفاع، ووصل الجرام (عيار 21) الأكثر تداولاً ل 4700 جنيه.
ومتوقع خلال الفترة الجاية، إن الدهب يحافظ على زخمه الصعودي في مصر، ويكمل مسيرة الارتفاعات القياسية عشان الجرام 21 يوصل ل 5 آلاف جنيه بنهاية 2025.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
