مصر في الوقت الحالي بتستهدف جزء استثمارات اجنبية في كل المجالات.. والمرة دي مصر استقبلت استثمارات صينية جديدة.. ياتري اية حكاية الاستثمارات دي وايه المجالات المستهدفة لها.
تحفيز الاستثمارات وجذب رؤوس الأموال الأجنبية للاقتصاد المصري هدف رئيسي واساسي للحكومة المصرية، خصوصا أن الحكومة عندها هدف رئيسي واساسي لتحويل مصر لمركز اقليمي للتبادل التجاري، وعلشان مصر توصل للهدف ده لازم مصر تغطي احتياجاتها المحلية ومتكونش في حاجة للاستيراد من الخارج، وكمان يكون عندها فائض للتصدير، وده اللي الحكومة بتحاول تحقيقه من خلال الشراكة مع القطاع الخاص واللي حاليا بيحظي بدعم حكومي غير مسبوق.
الخطة اللي حطتها مصر بتستهدف الوصول بالصادرات المصرية لتحقيق 140 مليار دولار كايرادات من الصادرات المصرية في 2030، علشان مصر تحققها فكان لازم يكون عندنا اقتصاد محلي قوي، وكمان يكون عندنا فائض في الإنتاج المحلي وده اللي هتبدا مصر تصدره للخارج، وده اللي هيحقق هدف الحكومة الاساسي بتخفيف الضغط علي موارد الدولة الأجنبية من الدولار في عمليات الاستيراد وهيزود صادرات مصر من للخارج، وده هيكون نافذه جديدة لمصر لزيادة ايراداتها الدولارية وهيزود الناتج القومي المصري، وهيكون سبب رئيسي واساسي في استقرار الاقتصاد المصري .
طيب اية اللي بتعمله الحكومة علشان تشجيع الاستثمارات الأجنبية للنزول للسوق المصري؟.
في الفترة اللي فاتت صدرت توجيهات رئاسية للحكومة من الرئيس عبدالفتاح السيسي ببحث وحل كل المعوقات اللي كانت بتواجه دخول الاستثمارات الأجنبية للسوق المصري، وفعلا الحكومة بدأت تنفذ التكليفات الرئاسية بكل قوة، وقدمت تحفيزات كبيرة للشركات ورؤوس الأموال الأجنبية للدخول المصري، والتحفيزات دي كانت عبارة عن تسهيلات كبيرة في الحصول علي الاراضي اللازمة لاقامة وبناء المشروعات الصناعية، ده غير التسهيلات الكبيرة اللي قدمتها الحكومة للحصول علي تراخيص البناء والتشغيل، واللي حاليا بتم عن طريق رخصة واحدة اسمها الرخصة الذهبية واللي حاليا بتقدمها الحكومة وبتكون كافية للبناء والتشغيل وده عكس اللي كان بيحصل قبل كده خصوصا أن السيستم القديم كان محتاج اجراءات وموافقات كتيرة من أغلب وزارات وهيئات الدولة علشان المستثمر ياخذه رخصة بناء وتشغيل .
طيب اية حكاية الاستثمارات الصينية الجديدة وهتكون فين ومجالاتها اية؟.
مصر استقبلت عرض من شركة شين فينج مصر للصلب لإقامة 9 مصانع متنوعة هيتم انشاءها علي مدار 5 سنين ده غير مركزين للخدمات الشاملةواحد منهم للبحث والتطوير والتاني لإعادة تدوير النفايات الصلبة وهتوصل إجمالي استثماراتهم 1,65 مليار دولار، والمشروع الجديد هيوفر أكثر من 8 آلاف فرصة عمل مباشرة.
المشروع الجديد اللي هتبينه شركة شين فينج مصر للصلب هيضم مصنع لمكونات أقراص فرامل السيارات، ومصنع مكونات الأجهزة المنزلية، ومصنع المثبتات القياسية واللي هيا المسامير والصواميل، ومصنع لفائف الصلب المدرفلة على الساخن، والمرحلة الثانية هتتضمن 5 مصانع وهما مصنع مكونات السيارات المصنوعة من سبائك الألومنيوم والمغنيسيوم، ومصنع معدات الهيكل الفولاذي، ومصنع مكونات طبلة فرامل السيارات، ومصنع مكونات آلات البناء، ومصنع لفائف الصلب المدرفلة على البارد .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
){kind=link}